হাজোত অপহৰণ,আৰক্ষীৰ জালত পৰিছে তিনিটাকৈ ক্ৰাইম ব্ৰাঞ্চৰ ভুৱা বিষয়া
হাজোৰ শাক্তিবৰীত যুৱকক অপহৰণ কৰি মেক্সিম' বাহন সহিতে আৰক্ষীৰ জালত পৰিছে তিনিটাকৈ ভুৱা ক্ৰাইম ব্ৰাঞ্চৰ বিষয়া, উদ্ধাৰ হৈছে এয়াৰ পিষ্টলৰ লগতে ৱাকিটকি আৰু নগদ ধন ।
এজন যুৱকক হাজো-নলবাৰী ৰাজপথৰ পৰা অপহৰণ কৰি হাজো আৰক্ষীৰ জালত পৰিছে তিনিটাকৈ ক্ৰাইম ব্ৰাঞ্চৰ বিষয়া অপহৰণকাৰী। ঘটনা অনুসৰি মুক্তাৰ আলী নামৰ যুৱকজনে হাজো কলিতাকুছিৰ দিশৰ পৰা আহি থকা অৱস্থাত হাজোৰ শাক্তিবৰী অঞ্চলত তিনিজনীয়া এটা অপহৰণকাৰীৰ দলে মেক্সিম' বাহনেৰে আগভেটি ধৰি উঠাই লৈ যায় মুক্তাৰক।
তাৰ পাছতেই মুক্তাৰৰ পৰিয়ালক ধন দাবি অপহৰণকাৰী দলৰ। অৱশেষত হাজো আৰক্ষীয়ে অভিযান চলাই মহানগৰীৰ জালুকবাৰীৰ পৰা অপহৃত মুক্তাৰ আলীক উদ্ধাৰ কৰাৰ লগতে অপহৰণকাৰী দ্বীপজ্যোতি ঠাকুৰীয়া, নাৰায়ণ দাস আৰু মেক্সিম' খনৰ চালক জনক আটক কৰিবলৈ সক্ষম হৈছে।
লগতে অপহৰণকাৰী কেইটাৰ পৰা এটা এয়াৰ পিষ্টল, এটা পুতলা পিষ্টল, এটা মোবাইল ফোন, নগদ ধন আৰু দুটা ৱাকি টকি জব্দ কৰিবলৈ সক্ষম হৈছে। ইতিমধ্যে এই ঘটনা সন্দৰ্ভত হাজো আৰক্ষীয়ে অপহৰণকাৰী কেইটাক সোধ-পোছ অব্যাহত ৰাখিছে ।
0 Comments