বিলাসীপাৰা মহকুমাত ১৫ গৰাকী শিশু শ্ৰমিকক উদ্ধাৰ
ধুবুৰী জিলাৰ বিলাসীপাৰা মহকুমাত ধুবুৰী জিলা শিশু সুৰক্ষাৰ এটি অভিযানকাৰী দলে বিলাসীপাৰা আৰু চাপৰ বজাৰত হঠাৎ অভিযান চলাই পোন্ধৰ গৰাকী শিশু শ্ৰমিকক উদ্ধাৰ কৰিবলৈ সক্ষম হয়। উক্ত অভিযানকাৰী দলটোৱে মহকুমা খনৰ একাংশ ইটা উদ্যোগত শিশু শ্ৰমিকক প্ৰত্যক্ষ কৰি অভিযান চলায় যদিও দলটোক দেখিয়ে পলাই পত্ৰং দিয়ে ইটা উদ্যোগৰ শিশু শ্ৰমিক সকলে।
অভিযানকাৰী দলটোৱে এই অভিযানত অব্যাহত ৰাখিব বুলি জানিবলৈ দিয়ে। অভিযানকাৰী দলটোক সংগ দিয়ে সমাজ কল্যাণ বিভাগ, জিলা শিশু সুৰক্ষা বিষয়া সূৰ্য বৰুৱা, জিলা সমন্বয়ক সাহিনুৰ ইছলাম, চি ডব্লিউ চিৰ বিষয়া, চাইল্ড লাইনৰ বিষয়া, কেয়াৰ ইণ্ডিয়া ফাউণ্ডেছন আৰু এ ডি ফাউণ্ডেছন বিষয়া সকলোৰ উপস্থিতিত এই অভিযান চলে।
0 Comments